Met hierdie oorlogsdagboek het Totius plek ingeneem in 'n ry van manne en vroue wat 'n besondere bydrae tot ons opgetekende Afrikaanse volksgeskiedenis gelewer het: die dagboekskrywers van die Tweede Vryheidsoorlog. Die doel met hierdie uitgawe is die verykking van die Afrikaanse volks- en kultuursgeskiedenis. Die feit dat dit 'n dagboek van prof. dr. J.D. du Toit (Totius) is, het die werk veral die moeite werd gemaak.
