Klein Ronnie se hart is baie seer. Hy is maar ses weke oud en slegte mense, wat stropers genoem word, het sy mamma seergemaak. Nou woon hy by Milah en haar pa, ’n wildbewaarder, wat na bedreigde diere omsien voordat hy hulle help terugplaas op die oop veld, hul natuurlike woonplek. Eendag, toe Ronnie al ’n groot renoster is, wag daar ’n groot verrassing op Milah en haar pa! ’n Leersame boek vir kinders van alle ouderdomme … met interessante renosterfeite en ’n lekker lys van woorde wat jy in die storie teëkom – om jou perfek te leer spel.
