Hierdie geskiedenis as agtergrond van die Randse Afrikaanse Universiteit se eiland,
is 'n klein deeltjie van die gebeure op en oor die plaas Zandfontein en sy mense vir 86 jaar (1850-1936) totdat die waters van die Vaaldam dit so toegestoot het dat daarvan net 'n eiland oorgebly het. Die eiland in die Vaaldam wat deur die Randse Afrikaanse Universiteit (RAU) besit word, kan dikwels van 1936 af, uit vliegtuie gesien word. Iets geheimsinnigs roep vrae op, want ongeveer sewentig jaar gelede het daardie stuk wêreld heeltemal anders gelyk.
