Hierdie Psalminkleurboek Deel 3 is ’n spesiale voortsetting van ons reis deur die wonderlike Psalms, wat deur digters soos koning Dawid en Asaf, geïnspireer deur die Heilige Gees, geskryf is. Asaf was ’n Leviet uit die stam van Levi, wat in die Ou Testament verantwoordelik was vir diens in die tabernakel en later die tempel. Hy was ’n sanger, musikant, en leier van aanbiddingsmusiek tydens die heerskappy van koning Dawid. Asaf se Psalms is besonders omdat hy sy gevoelens eerlik uitdruk; soms vreugde, soms twyfel of hartseer, maar altyd met vertroue in God se goedheid. Sy woorde help ons om God te loof en te vertrou, selfs in moeilike tye.
