Kaburu - 'n Drama vir die verhoog

In Kaburu word die gehoor gekonkonfronteer met die gevolge van emosionele trauma wat met die aktualiteit van die dag skakel, soos emigrasie, die Angolese bosoorlog en kriminele geweld. Deur hierdie aktualiteite te belig, word die drama as’t ware ‘n spieël vir die gehoor. Elna en Bertus, wat reeds geruime tyd in Kanada bly, kom na Suid-Afrika vir Elna se pa se verjaarsdag. Hulle besoek lei tot ‘n hartverskeurende verantwoording van keuses wat elke van die familielede voorheen uitgeoefen het.