Dordt in kort - Sinode van Dordrecht 400 jaar

In 2018/19 word die Dordtse Sinode wat in 1618/19 gehou is, wêreldwyd herdenk - ook in Suid-Afrika. Die vrug van die Dordtse Sinode is groot, veral wat betref die vertaling van die Bybel, en die vasstelling van die Gereformeede belydenis en kerkorde. In hierdie bundel word gepoog om iets van dié vrug vir die kerke in Suid-Afrika deur te gee. Daarbenewens is historiese dokumente wat tevore nie in Afrikaans beskikbaar was nie, in die bundel opgeneem. So ook 'n oorsig oor daaglikse gebeure by dié ses maande lange sinode. Met die lees van laasgenoemde kom 'n mens diep onder die indruk daarvan hoe God in sy wysheid gewone mense met hulle gewone omstandighede in staat gestel het om buitengewoon groot dinge te doen.